Seinna markinu gegn Aserum fagnað.
Ísak Bergmann Jóhannesson hefur spilað vel fyrir íslenska landsliðið að undanförnu. Hann virðist utan frá vera í uppsveiflu í spilamennsku sinni með landsliðinu eftir smá lægð þar að undan. Ísak hefur byrjað síðustu sex landsleiki eftir að hafa ekki byrjað í níu leikjum þar á undan.
Ísak ræddi við Fótbolta.net á hóteli íslenska landsliðsins í París í gær.
Ísak ræddi við Fótbolta.net á hóteli íslenska landsliðsins í París í gær.
„Þetta er bara allt hluti af vegferðinni. Lægð? Nei, þetta er bara hluti af vegferðinni, ég er 22 ára og ég held að fólk átti sig ekki alveg á því. Ég held að fólk haldi að ég sé miklu eldri en ég er af því ég kom svo ungur inn í landsliðið. Þetta er bara hluti af vegferðinni; að treysta vegferðinni," sagði Ísak.
Hann er 22 ára, spilar með Köln í þýsku Bundesliga og hefur þegar spilað 36 andsleiki og skorað sex mörk í þeim leikjum. Tvö af þeim mörkum skoraði hann gegn Aserum á föstudag.
Næsti leikur landsliðsins verður á Prinsavöllum í París annað kvöld gegn Frökkum.
Athugasemdir
