Amrabat hættir tímabundið í landsliðinu - „Held ekki áfram undir þessum þjálfara“

Sofyan Amrabat segist ekki ætla að spila aftur fyrir marakóska landsliðið svo lengi sem þjálfarinn Mohamed Ouahbi er við stjórnvölinn.

Í tilkynningu Amrabat, sem hann birti á Instagram, segir hann að ákvörðunin hafi reynst honum erfið en hann vill ekki greina frá ástæðunum sem liggja að baki.

Hann segist þó ekki vera búinn að leggja landsliðsskóna varanlega á hilluna heldur einungis á meðan Ouahbi stýrir liðinu.

Ouahbi tók við liðinu fyrr á árinu og náði eftirtektaverðum árangri með liðinu á heimsmeistaramótinu þar sem liðið féll úr leik í 8-liða úrslitum.