Fotbolti.net
08.10.15 - 15:04
Elvar Geir Magnússon

Liverpool boðar til fréttamannafundar 9 í fyrramálið

Liverpool boðar til fréttamannafundar 9 í fyrramálið
Canon

Mynd: Getty Images

Jurgen Klopp verður kynntur sem nýr knattspyrnustjóri Liverpool á morgun.

Félagið hefur boðað til fréttamannafundar á morgun klukkan 10 að staðartíma en það er 9 að íslenskum tíma.
Það verður því í fyrramálið sem hinn frægi (Staðfest) svigi mætir en langflestir stuðningsmenn Liverpool eru gríðarlega spenntir fyrir þessum nýja stjóra.

Nafn Klopp kom upp í umræðuna hjá stuðningsmönnum Liverpool um leið og hitna fór undir Brendan Rodgers en Rodgers var svo rekinn eftir jafnteflisleik gegn Everton á sunnudag.

Liverpool verður þriðja félagið sem Klopp verður aðalþjálfari hjá á stjóraferlinum en hann var með Mainz 2001-2008 og náði svo eftirtektarverðum árangri hjá Borussia Dortmund þar sem hann starfaði 2008-2015.

#LFC confirm a press conference will be held 10am on Friday for a major club announcement http://t.co/Q5KynqtFKC pic.twitter.com/jn0eBwWntx

— Liverpool FC (@LFC) October 8, 2015

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.