Aron fór í aðgerð í Katar

Aron Einar Gunnarsson, landsliðsfyrirliði, fór í morgun í aðgerð í Katar vegna ökklameiðslanna sem hann varð fyrir í leik Al Arabi og Al Khor á föstudaginn.

Al Arabi greinir frá þessu á Twitter en ekkert kemur fram um það hversu lengi Aron verður frá keppni.

Aron meiddist illa á ökkla og verður ekki með í komandi landsleikjum gegn Frakklandi og Andorra.

Þá er afar tvísýnt að hann nái leikjunum gegn Tyrklandi og Moldavíu í nóvember.