Jurgen Klopp, stjóri Liverpool, segir að bæði leikmenn og stuðningsmenn liðsins verði að vera uppi á sitt besta í toppslagnum gegn Manchester City í ensku úrvalsdeildinni á sunnudag.

„Við þurfum að spila okkar besta leik," sagði Klopp á fréttamannafundi í dag.

„Allir á leikvanginum þurfa að vera í toppformi, meira segja náunginn sem selur pylsurnar. Komið snemma á völlinn og verið mætt þegar liðið hitar upp. Ég óska þess."