„Mér myndi finnast það skrítið ef það kæmu engin tilboð í þá"

„Það kæmi mér verulega á óvart ef Gotti verður hér áfram miðað við áhugann á honum," sagði Tómas Þór Þórðarson í útvarpsþættinum Fótbolta.net síðasta laugardag.

Einnig er möguleiki á því að leikmenn eins og Ari Sigurpálsson og Danijel Dejan Djuric fari í atvinnumennsku. Kári Árnason, yfirmaður fótboltamála hjá Víkingi, var spurður út í áhugann á leikmönnum Víkings í útvarpsþættinum sem var birtur í dag.

„Auðvitað reiknum við með því að einhverjir af þeim verði seldir. Þetta eru strákar á besta aldri. Það eru allar líkur á því að einhverjir af þeim verði pikkaðir upp. Þeir eru allir búnir að standa sig frábærlega. Mér myndi finnast það skrítið ef það kæmu engin tilboð í þá," sagði Kári.

Gísli Gottskálk blómstraði í sumar og var valinn efnilegasti leikmaður Bestu deildarinnar af Fótbolta.net.

Hægt er að hlusta á báða þættina í spilurunum hér fyrir neðan.