Ole Gunnar Solskjær fékk Maguire til Man Utd frá Leicester árið 2019 fyrir metfé en norski þjálfarinn var látinn fara tveimur árum síðar.

Erik ten Hag tók við United á síðasta ári og var þá ekkert pláss fyrir Maguire í liðinu.

Englendingurinn hafði gengið í gegnum erfiða tíma á vellinum og virtist ekki vera sami varnarmaðurinn. Endalaust áreiti og gagnrýni í fjölmiðlum hjálpaði ekki, en hann er nú mættur til baka og hefur spilað vel í síðustu leikjum liðsins.

Hann hefur núna verið verðlaunaður fyrir frammistöðu sína og er leikmaður mánaðarins í deild þeirra bestu á Englandi.