Logi Hrafn í tapliði

Logi Hrafn Róbertsson var í byrjunarliðinu hjá Värnamo sem heimsótti Öster í næstefstu deild sænska boltans í kvöld. Hann er eini Íslendingurinn sem kom við sögu í leikjum dagsins utan landsteinanna.

Heimamenn í Öster voru talsvert sterkari aðilinn í fyrri hálfleik og leiddu 3-0 í leikhlé eftir tvennu frá Linus Carlstrand.

Logi Hrafn og félagar áttu engin svör og urðu lokatölur 3-0. Logi lék fyrstu 77 mínútur leiksins.

Värnamo er í fallsæti með 10 stig eftir 11 umferðir, en liðið er aðeins búið að ná í eitt stig úr síðustu sjö umferðum.