Furðulegt atvik kom upp í fögnuði Spánverja í München í kvöld en Alvaro Morata, fyrirliði spænska liðsins, var tæklaður af öryggisverði sem var við störf á vellinum.
Spænska liðið vann það franska, 2-1, á Allianz leikvanginum í München.
Eftir leikinn fögnuðu leikmenn liðsins fyrir framan stuðningsmenn en einn stuðningsmaðurinn hljóp inn á völlinn og að leikmönnum Spánar. Einn af öryggisvörðunum ætlaði sér að tækla stuðningsmanninn en tók Morata í staðinn.
Morata haltraði og hélt utan um hné sitt eftir atvikið. Samkvæmt Rodri, liðsfélaga hans í landsliðinu, er þó í góðu lagi með hann og geta því spænsku stuðningsmennirnir andað léttar.
„Ég talaði við Morata og hann er í góðu lagi,“ sagði Rodri eftir atvikið.
El de seguridad se ha cargado a Morata. pic.twitter.com/HAzaCNjcKu
— Ibai (@IbaiLlanos) July 9, 2024
Athugasemdir