Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   þri 09. júlí 2024 10:15
Elvar Geir Magnússon
Túfa sagði upp til að snúa aftur til Íslands
Túfa saknaði þess að vera í nálægð við fjölskyldu sína.
Túfa saknaði þess að vera í nálægð við fjölskyldu sína.
Mynd: Aðsent
Túfa er fyrrum aðstoðarþjálfari Vals.
Túfa er fyrrum aðstoðarþjálfari Vals.
Mynd: Fótbolti.net - Hafliði Breiðfjörð
Srdjan Tufegdzic, betur þekktur sem Túfa, hefur sagt upp sem þjálfari sænska B-deildarliðsins Skövde. Hann segir að ástæðan sé sú að hann sakni fjölskyldu sinnar sem búsett sé á Íslandi og það hafi tekið starfsorku frá sér.

Túfa er fyrrum þjálfari KA og Grindavíkur og þá var hann aðstoðarþjálfari Vals. Hann hélt svo til Svíþjóðar og tók við Öster en var látinn fara eftir síðasta tímabil.

Túfa tók við Skövde í janúar og gerði þá tveggja ára samning við félagið. Liðið situr nú í þrettánda sæti B-deildarinnar.

„Þetta er besta niðurstaðan fyrir alla aðila. Við þökkum Túfa fyrir hans starf og óskum honum alls hins besta í framtíðinni,“ segir á heimasíðu Skövde.

„Af fjölskylduástæðum, þar sem fjölskylda mín býr á Íslandi, get ég því miður ekki klárað það verkefni sem við hófum saman. Með mikilli vinnu byggðum við upp hóp sem getur gert góða hluti, bættum umgjörðina og æfingaskipulagið og komum inn meiri fagmennsku. Liðið er á góðum stað fyrir baráttuna seinni hluta tímabils," er haft eftir Túfa.


Athugasemdir
banner
banner
banner