4. deild: Ýmir óstöðvandi á toppnum
Arian Ari skoraði í sigri Ýmis.
Mynd: Fótbolti.net - Hafliði Breiðfjörð
Arian Ari skoraði í sigri Ýmis.
Mynd: Fótbolti.net - Hafliði Breiðfjörð
Ýmir 2 - 1 Hamar
1-0 Birkir Blær Laufdal Kristinsson ('5)
2-0 Arian Ari Morina ('40)
2-1 Sören Balsgaard ('63)
Ýmir er búinn að vinna D-riðil fjórðu deildarinnar og hafði betur gegn Hamri í toppslag í kvöld.
Birkir Blær Laufdal Kristinsson og Arian Ari Morina skoruðu mörk Ýmis í fyrri hálfleik og gerði Sören Balsgaard eina mark Hvergerðinga eftir leikhlé.
Ýmir er með 37 stig eftir 14 umferðir, ellefu stigum fyrir ofan næstu lið sem eru Hamar og GG.
Golfklúbbur Grindavíkur á leik til góða á Hamar í baráttunni um annað sætið en á eftir að mæta Ými í lokaumferðinni. Hamar er með talsvert betri markatölu heldur en GG í baráttunni um 2. sætið.
