„Höfum mikinn áhuga á því að fá Guðmund Andra"

Óskar Hrafn Þorvaldsson, yfirmaður fótboltamála hjá KR, var spurður út í Andra.

„Það eru samningaviðræður í gangi, þær mjakasta áfram. Það er alveg ljóst að við höfum mikinn áhuga á því að fá Guðmund Andra í KR," segir Óskar sem staðfestir að KR hafi fengið svar við tilboði sínu í leikmanninn.

Var tilboð KR samþykkt?

„Það eru bara samningaviðræður í gangi. Á meðan það er ekki búið að skrifa undir neitt, þá er staðan þannig. Við erum bara ræða saman og erum vongóðir um að ná samkomulagi."

KR var í síðustu viku orðað við Jón Daða Böðvarsson og var Óskar einnig spurður út í hann.

„Það er ekkert komið í ljós hvaða framtíðarplön hann er með. Það er best að hann svari því sjálfur. Við hefðum auðvitað áhuga á því að fá hann, það er klárt," segir Óskar.