Fotbolti.net
09.10.15 - 06:00
Ívan Guðjón Baldursson

Ný stjórn tekin við knattspyrnudeild Keflavíkur (Staðfest)

Ný stjórn tekin við knattspyrnudeild Keflavíkur (Staðfest)
Canon

Mynd: Fótbolti.net - Einar Ásgeirsson

Aukaaðalfundur var haldinn í íþróttahúsi Keflavíkur í gærkvöldi þar sem ný stjórn tók við knattspyrnudeild félagsins.

Jón G. Benediktsson var sá eini sem bauð sig fram til að taka við stöðu formanns og myndar hann nýja stjórn félagsins ásamt Gunnari Oddssyni, Karli Finnbogasyni, Hermanni Helgasyni og Þorleifi Björnssyni.
Keflavík endaði langneðst í Pepsi-deild karla í sumar og ljóst að róttækar breytingar þarf að gera til að koma félaginu aftur í deild þeirra bestu á landinu.

Fyrsta verk stjórnarinnar verður að ráða nýjan þjálfara en Þorvaldur Örlygsson er talinn líklegastur til að taka við af Hauki Inga Guðnasyni og Jóhanni Birni Guðmundssyni.

Haukur Ingi og Jóhann tóku við Keflavík eftir hrikalega byrjun þar sem liðið var með eitt stig eftir sex fyrstu umferðirnar og tókst aðeins að vinna tvo leiki á tímabilinu.

Heimild: Víkurfréttir

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.