Fotbolti.net
09.11.21 - 13:30
Elvar Geir Magnússon

Reglurnar sem Xavi kynnti fyrir leikmönnum fyrir fyrstu æfingu

Xavi kemur með aukinn aga.

Xavi kemur með aukinn aga.

Canon

Mynd: EPA

Diario AS segir að Xavi Hernandez, nýr stjóri Barcelona, hafi fyrir fyrstu æfingu kynnt nýjar reglur fyrir leikmönnum sínum.

Xavi er farinn að láta til sín taka í nýju starfi og byrjaður að hreinsa til í sjúkraþjálfarateymi Barcelona.
Xavi hefur talað um að koma með aukinn aga í klefann hjá Barcelona en hann stýrði sinni fyrstu æfingu í dag. Stærstu nöfnin í hópnum voru fjarverandi, meiddir eða í landsliðsverkefni.

Þetta eru reglurnar sem Xavi hefur sett:

- Leikmenn þurfa að mæta að minnsta kosti einum og hálfum tíma fyrir æfingar.

- Starfsmenn verða að mæta tveimur tímum fyrir æfingu.

- Leikmenn verða að borða á Cuitat Esportiva æfingasvæðinu.

- Leikmenn verða sektaðir fyrir að mæta seint og sektirnar hækka ef brot eru endurtekin.

- Leikmenn verða að vera komnir heim til sín fyrir miðnætti ef það eru innan við 48 tímar í leik.

- Leikmenn vinna byrjunarliðssæti með frammistöðu á æfingu. Enginn leikmaður á fast sæti í liðinu.

- Tómstundaiðkun sem gæti skapað meiðsli er bönnuð meðan á tímabilinu stendur.

- Leikmenn verða að hegða sér sem leikmenn Barcelona, sama þó þeir séu í kringum félagið eða í fríi.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.