Bogi Rafn í HK (Staðfest)

Hann á að baki 43 úrvalsdeildarleiki með Grindvíkingum og hefur skorað eitt mark en hann missti alveg af síðasta tímabili vegna meiðsla. Þá hefur Bogi leikið 7 leiki með U19 og U17 ára landsliðum Íslands.

,,Ég er í skýjunum með að við skulum hafa náð sterkum leikmanni eins og Boga til okkar. Þar með fáum við leikmann með reynslu af því að spila í úrvalsdeildinni og með yngri landsliðunum og hann kemur til með að styrkja lið okkar mjög mikið,\" sagði Gunnlaugur Jónsson þjálfari meistaraflokks við HK-vefinn.

Þá hafa HK-ingar einnig samið við Alexander Lúðvígsson sem og Eyþór Örn Þorvaldsson í 2. flokki. Alexander kom til HK í júlí í fyrra eftir að hafa leikið með KH framan af sumri.

,,Alexander er sá leikmaður sem hefur komið einna mest á óvart í vetur. Hann getur spilað allar stöðurnar í vörninni, er kraftmikill og með mikinn metnað. Nú er komin góð mynd á liðið og mikil samkeppni um stöður, eins og þetta á að vera,\" sagði Gunnlaugur.

Á vef HK kemur einnig fram að Beitir Ólafsson markvörður liðsins er á leið í aðgerð og verður því ekkert með í B-deild Fótbolta.net mótsins sem hefst eftir viku.