Stefán Ragnar í Val (Staðfest)

Stefán Ragnar Guðlaugsson skrifaði í dag undir samning við Valsmenn en þetta kemur fram í fréttatilkynningu frá félaginu.

Þó er ekki endanlega ljóst hvort Stefán muni leika með Val í sumar því eins og fram kom á Fótbolta.net í gær er hann á leið til norska félagsins Hönefoss á reynslu næstkomandi mánudag.

Stefán Ragnar mun æfa með Hönefoss í tvær vikur en ef hann semur ekki við félagið mun hann leika með Valsmönnum í sumar.

Ef Stefán semur við Hönefoss verður hann þriðji íslenski varnarmaðurinn í herbúðum félagsins en fyrir eru þeir Kristján Örn Sigurðsson og Arnór Sveinn Aðalsteinsson.