Þessir þrír leikmenn eru ekki í hóp gegn Aston Villa í enska bikarnum í kvöld.

Jones hefur verið mikið meiddur á ferli sínum hjá Man Utd og sú saga ætlar engan endi að taka. Hann kom inn gegn Úlfunum á dögunum og stóð sig vel en nær ekki að byggja ofan á þá frammistöðu í kvöld. Rangnick segir að Jones sé að glíma við smávægileg kálfameiðsli.

Sá þýski sagði að meiðslin hjá Ronaldo og Sancho væru ekki alvarleg.

Fyrirliðinn Harry Maguire er einnig meiddur, en markvörðurinn Dean Henderson er það ekki. Hann er sagður vilja fara í nýtt félag á láni þar sem hann er ekki aðalmarkvörður Man Utd og fær ekki mikið að spila.