ÍA hefur fengið til sín Leó Erni Reynisson frá Fylki en þetta kemur fram í tilkynningu á heimasíðu Skagamanna í dag.
Leó Ernir er fæddur árið 2001 og á að baki tvo landsleiki fyrir U16 ára landslið Íslands.
Hann spilaði tvo leiki með meistaraflokki Fylkis í Reykjavíkurmótinu en er nú farinn í ÍA.
Leó hefur ekki langt að sækja hæfileika sína í knattspyrnu en Reynir Leósson er faðir hans. Reynir lék með ÍA, Fram, Val og Víkingi R. á ferli sínum og á 256 leiki í deild- og bikar.
Leó Ernir Reynisson og Jóhannes Karl Guðjónsson, þjálfari ÍA.
Athugasemdir
