Fullt nafn: Kristófer Konráðsson

Gælunafn: Eru sirka 100 en Krissi Konn, Kryddi Konn og Barnafitan þessi helstu

Aldur: 23 ára

Hjúskaparstaða: Í sambandi

Hvenær lékstu þinn fyrsta leik með meistaraflokki: Fyrsta æfingaleikinn 2014/15 minnir mig en keppnisleik 2016

Uppáhalds drykkur: Kaffi

Uppáhalds matsölustaður: IKEA hefur aldrei brugðist

Hvernig bíl áttu: VW Golf

Uppáhalds sjónvarpsþáttur: Peaky Blinders

Uppáhalds tónlistarmaður: Frank Ocean og Dave

Uppáhalds hlaðvarp: Svona var Sumarið

Fyndnasti Íslendingurinn: Hjörvar þegar hann mætir í FM95BLÖ, unplayable

Hvernig hljómar síðasta sms sem þú fékkst: (Kristófer) Kæri Heilsuveru notandi, ný gögn hafa borist til þín.

Hvaða liði myndir þú aldrei spila með: Aldrei segja aldrei en sé mig ekki flytja á lengst út á land bráðlega.

Besti leikmaður sem þú hefur mætt: Martin Ödegaard var í stuði í Kórnum hér um árið

Besti þjálfarinn sem hefur þjálfað þig: Halldór Árnason, hélt mér í boltanum þegar íhugaði að hætta

Mest óþolandi leikmaður sem þú hefur mætt: Jón Dagur Þorsteinsson og allir Blikar í yngri flokkum

Hver var fyrirmyndin þín í æsku: Cristiano Ronaldo

Sætasti sigurinn: Bikarinn 2014 í 2.fl til að loka báðum titlunum eða úrslitaleikur Íslandsmótsins í 4.fl þegar við skeindum Adam Páls og félögum 5-0 í Kaplakrika

Mestu vonbrigðin: Hafa ekki unnið neitt á ferlinum í mfl.

Uppáhalds lið í enska: Manchester United

Ef þú fengir að velja einn leikmann úr öðru íslensku liði í þitt lið: Fá Austmenn bræður heim takk

Efnilegasti knattspyrnumaður/kona landsins: Ólafur Flóki Stephensen

Fallegasti knattspyrnumaðurinn á Íslandi: Einar Karl er mjög huggulegur ef hann man að fara í klippingu á svona 10 daga fresti

Fallegasta knattspyrnukonan á Íslandi: Elín Metta

Besti knattspyrnumaðurinn frá upphafi: Cristiano Ronaldo

Hver er mesti höstlerinn í liðinu: Sigurbergur Áki var að verða kynþroska á árinu og ræður varla við sig

Uppáhalds staður á Íslandi: 210

Segðu okkur frá skemmtilegu atviki sem gerst hefur í leik: Liðsfélagi í KFG sumarið 2019 kom inn á í frystikistunni upp á Skaga í stöðunni 5-0 fyrir Káramönnum á 85. mín. Nældi sér í rautt 3 mín seinna, lenti í hrindingum við áhorfendur við útganginn og hann rændi svo vínarbrauði úr veitingasölunni áður en hann gekk út. Sprakk öll höllin úr hlátri, líka leikmenn.

Ertu með einhverja hjátrú tengda fótbolta: Negative

Fyrir utan knattspyrnu, fylgist þú með öðrum íþróttum: Sirka öllum, helst Golf, NFL, F1, körfubolta, og handbolta

Í hvernig fótboltaskóm spilar þú: Skólinn úti með New Balance samning þannig neyðist til að spila í því, fínustu skór samt

Í hverju varstu/ertu lélegastur í skóla: Textíl og myndment, allir hæfileikarnir fóru í fæturnar.

Vandræðalegasta augnablik: Tók þokulúðurinn á línuvörð í U-17 leik fyrir að dæma ekki rangstöðu, þurfti hálft liðið til að útskýra fyrir mér að það væri ekki rangstaða úr innkasti

Hvaða þrjá leikmenn tækir þú með þér á eyðieyju og af hverju: Kára Pétursson, gott að hafa einhvern sem þykist vita og kunna allt, getur dundað sér við að smíða fleka og svona bull. Tekur svo upp gítarinn og syngur Bubba fyrir okkur á kvöldin. Fæ svo Dag og Mána Austmenn til að hlægja af öllu sem ég segi og til að æsa aðeins í pabba Kára þegar okkur leiðist. Höfum þolað hvor annan í þó nokkur ár núna, ættum að þrauka eina eyðieyjuna.

Sturluð staðreynd um sjálfan þig: Er með sama húðsjúkdóm og Michael Jackson (Vitiligo)

Hvaða samherji hefur komið þér mest á óvart eftir að þú kynntist honum og af hverju: Björn Berg Brydde, BBB King. Djöfull er hann fyndinn

Hverju laugstu síðast: Líklegast að mömmu hvað ég lærði mikið þennan daginn

Hvað er leiðinlegast að gera á æfingum: Er eitthvað annað svar en hlaup?

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Hjörvar hvað ég þarf að borga honum mikið fyrir bara einn Brján Breka í viðbót