Völlurinn á floti og leik Rangers frestað

Búið er að fresta leik Dundee og Rangers sem fram átti að fara í skosku úrvalsdeildinni í kvöld. Það hefur hellirignt og pollar myndast á vellinum.

Líklegt er að leikurinn verði færður fram í miðja næstu viku.

Rangers er einu stigi á eftir Celtic á toppi skosku deildarinnar eftir 3-3 jafntefli í svakalegum Glasgow slag um síðustu helgi.