„Svekkjandi, við vildum ná í betri úrslit en þetta þannig ég er bara svekktur," sagði Willum Þór Willumsson leikmaður íslenska landsliðsins eftir 1-0 tap gegn Norður-Írum í kvöld.
Lestu um leikinn: Norður-Írland 1 - 0 Ísland
Ísland byrjaði leikinn vel en tókst ekki að skora. Eftir þessa byrjun rann hinsvegar leikurinn úr höndnum Íslands.
„Mér fannst við byrja leikinn nokkuð sterkt, við héldum vel í boltann, og náðum að þrýsta þeim niður. Þannig það var svekkjandi hvernig við leyfum þeim að taka yfir í fyrri hálfleik," sagði Willum.
Norður-Írar sýndu mikinn hug þegar þeir komust inn í leikinn og voru ofan á í baráttunni eftir það.
„Mér fannst fyrstu 25 mínúturnar við vera sterkari. Svo leyfum við þeim að komast á bragðið og þá tekur völlurinn við sér og þeir fá 'momentum'. Svo er það óþarfi að fara marki undir inn í hálfleik," sagði Willum.
Norður-Írar missa mann af velli snemma í seinni hálfleik en Ísland náði ekki að nýta sér að vera manni fleirri.
„Við vorum einum fleiri í einhverjar, ég man ekki, 30 mínútur. Við fengum fínustu færi og vorum óheppnir. Það var bjargað á línu einu sinni, þannig óheppnir að hafa ekki náð að jafna þetta," sagði Willum.
Viðtalið má sjá í heild sinni í spilaranum hér fyrir ofan.
