10.07.22 - 07:20
Ívan Guðjón Baldursson
Svidersky hafnaði Man Utd fyrir Almeria (Staðfest)


Mynd: Youtube


Mynd: Youtube
Martin Svidersky hafnaði samningstilboði Manchester United og er farinn frá félaginu á frjálsri sölu.
Hann er búinn að skrifa undir fimm ára samning við Almeria sem vann spænsku B-deildina í fyrra og leikur því í efstu deild í vetur.
Svidersky er 19 ára miðjumaður frá Slóvakíu sem hefur verið hjá Man Utd í þrjú ár. Hann á 8 leiki að baki fyrir U21 landslið Slóvakíu og þykir mikið efni.
Hann er þreyttur á að spila í varaliðadeildinni með Rauðu djöflunum og vonast til að fá meiri spiltíma á Spáni.
Svidersky er varnartengiliður að upplagi en getur einnig spilað sem miðvörður eða vinstri bakvörður.
