Fotbolti.net
10.08.21 - 09:30
Elvar Geir Magnússon

John Stones skrifaði undir fimm ára samning við Man City (Staðfest)

John Stones er ekki á förum.

John Stones er ekki á förum.

Canon

Mynd: Getty Images

Varnarmaðurinn John Stones hefur skrifað undir nýjan samning við Manchester City til fimm ára.

Þessi 27 ára leikmaður átti fantagott tímabil með City þegar liðið varð Englandsmeistari á síðasta tímabili. Þá var hann hluti af enska landsliðinu sem komst í úrslitaleik EM alls staðar í sumar.
Einhverjar vangaveltur voru í gangu um hvort Stones myndi yfirgefa City eftir að hafa lent fyrir aftan Aymeric Laporte og Ruben Dias í goggunarröðinni.

Fyrri samningur hans átti að renna út á næsta ári en nú er hann bundinn félaginu til 2026.

Stones hefur spilað 168 leiki fyrir City síðan hann var keyptur frá Everton í ágúst 2016. Hann hefur unnið alla mögulega titla innanlands með þeim ljósbláu.

Á heimasíðu City segist Stones elska að vera hluti af liði City, hann gæti ekki verið ánægðari og það væri algjör draumur að vinna með Pep Guardiola.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.