Enskir fjölmiðlar greina frá því að Jadon Sancho, kantmaður Dortmund, fái tækifæri í byrjunarliðinu gegn Kosóvó í undankeppni EM í kvöld.
Hinn 19 ára gamli Sancho mun koma inn í liðið fyrir Marcus Rashford leikmann Manchester United.
Sancho spilar sinn sjöunda landsleik í kvöld en hann spilaði síðustu tuttugu mínúturnar í 4-0 sigrinum á Búlgaríu um helgina.
Sancho hefur byrjað tímabilið í Þýskalandi af krafti en hann hefur skorað tvö mörk og lagt upp þrjú með Dortmund.
Englendingar eru með fullt hús stiga á toppi riðilsins fyrir leikinn á Wembley í kvöld, með níu stig eftir þrjá leiki. Kosóvó er einnig taplaust með átta stig eftir fjóra leiki.
Athugasemdir