Chelsea verður án tveggja lykilmanna á mánudaginn er liðið spilar við Brighton í ensku úrvalsdeildinni.
Úrvalsdeildin hefst aftur á laugardag eftir stutt hlé og mun Chelsea spila við Brighton í fyrstu umferð.
Þeir Hakim Ziyech og Ben Chilwell verða ekki með Chelsea vegna meiðsla en það er The Athletic sem fullyrðir þær fregnir.
Báðir leikmennirnir komu til Chelsea í sumar en Ziyech kom frá Ajax og Chilwell var keyptur frá Leicester.
Útlit er þó fyrir að Timo Werner, Thiago Silva og Kai Havertz gætu spilað sinn fyrsta leik í treyju liðsins.
Athletic greinir frá því að bæði Chilwell og Zyiech verði frá í nokkrar vikur en sá fyrrnefndi hefur verið meira og minna meiddur síðan í júlí.
Athugasemdir