Fotbolti.net
10.10.15 - 11:20
Magnús Már Einarsson

Þorvaldur Örlygs tekinn við Keflavík (Staðfest)

Þorvaldur Örlygs tekinn við Keflavík (Staðfest)
Canon

Mynd: Fótbolti.net - Sævar Geir Sigurjónsson

Þorvaldur Örlygsson hefur verið ráðinn þjálfari Keflavíkur en <a href=\"http://www.visir.is/thorvaldur-samdi-vid-keflavik-til-tveggja-ara/article/2015151019967\" target=\"_blank\">Vísir.is</a> greinir frá þessu í dag.

Þorvaldur skrifaði undir tveggja ára samning við Keflvíkinga sem féllu úr Pepsi-deildinni á dögunum.
„Við urðum svo skotnir í Þorvaldi í fyrsta viðtali og að ég held hann skotinn í okkur. Okkur fannst þetta smellpassa alveg rosalega flott. Við teljum hann vera hæfasta manninn í þessa stöðu,“ sagði Jón G. Benediktsson, nýr formaður knattspyrnudeildar Keflavíkur, við Vísi í morgun.

Jón bætti við að Keflvíkingar stefni rakleiðis aftur upp í Pepsi-deildina.

Þorvaldur hætti sem þjálfari HK um síðustu helgi eftir tveggja ára starf en hann hefur einnig þjálfað Fram, ÍA, KA og Fjarðabyggð á ferli sínum.

Hann tekur við liði Keflavíkur af Hauki Inga Guðnasyni og Jóhanni Birni Guðmundssyni sem stýrðu liðinu síðari hluta sumars.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.