Olivier Giroud, framherji Chelsea og franska landsliðsins, reiknar með erfiðum aðstæðum á Laugardalsvelli í leiknum í undankeppni EM annað kvöld.
„Þetta er opinn leikvangur með frjálsíþrótta hlaupabrautum og ég held að það verði mjög kalt. Ég veit ekki um gæðin á vellinum. Aðstæður gæti verið svolítið öðruvísi. Við verðum að aðlagast því af því að við erum atvinnumenn," sagði Giroud.
„Þetta verður erfiður leikur en við getum unnið hann og við þurfum að vinna okkar vinnu."
Giroud var á skotskónum í 4-0 sigri Frakka á Íslandi í mars en hann átti einnig stórleik þegar liðin áttust við í 8-liða úrslitum á EM 2016.
„Við vitum hversu grimmir og líkamlega sterkir Íslendingar geta verið í leikjum. Þeir hafa líka góða leikmenn og liðið sýndi sig á EM 2016. Þó að þeir hafi ekki átt frábæru gengi að fagna á HM 2018 þá eru þeir ennþá hættulegur andstæðingur," sagði Giroud meðal annars en viðtalið við hann í heild er hér að neðan.
A relaxed but focused @_OlivierGiroud_ chats about France's upcoming games against Iceland and Turkey. #EURO2020 #FiersdetreBleus pic.twitter.com/b2o9pkPF2H
— French Team ⭐⭐ (@FrenchTeam) October 10, 2019
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir