Fotbolti.net
10.11.21 - 13:00
Elvar Geir Magnússon

Lét ráðast á samherja sinn í PSG og er í gæsluvarðhaldi

Aminata Diallo (lengst til vinstri) og Hamraoui (með fyrirliðabandið) á Kópavogsvelli.

Aminata Diallo (lengst til vinstri) og Hamraoui (með fyrirliðabandið) á Kópavogsvelli.

Canon

Mynd: Fótbolti.net - Hafliði Breiðfjörð

Kvennaboltinn
Paris Saint-Germain hefur staðfest að leikmaður kvennaliðs félagsins, Aminata Diallo, sé kominn í gæsluvarðhald lögreglu eftir að ráðist var á samherja hennar, Kheira Hamraoui.

Franskir fjölmiðlar segja að Diallo hafi ráðið tvo grímuklædda menn til að ráðast á Hamraoui. Þeir drógu Hamraoui út úr bíl hennar áður en þeir kýldu og spörkuðu í fótleggi hennar.

Hamraoui var flutt á spítala og var ekki leikfær með PSG gegn Real Madrid í riðlakeppni Meistaradeildarinnar í gær.

Diallo og Hamraoui eru liðsfélagar hjá PSG og franska landsliðinu þar sem þær eru í samkeppni um byrjunarliðssæti á miðjunni.
PSG hefur sent frá sér yfirlýsingu þar sem félagið segist vinna með lögreglu að rannsókn málsins.

Diallo er 26 ára og kom til Parísarliðsins frá Gungamp fyrir fimm árum. Hún kom inn af bekknum þegar PSG vann 2-0 sigur gegn Breiðabliki á Kópavogsvelli í haust.

Hamraoui gekk aftur í raðir PSG frá Barcelona fyrr á þessu ári en hún á 36 landsleiki fyrir Frakkland. Hún byrjaði leikinn á Kópavogsvelli.
Lét ráðast á samherja sinn í PSG og er í gæsluvarðhaldi
Canon

Mynd: EPA

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.