Tomas Soucek tileinkaði markið Antonio.
Það var tilfinningaþrungið andrúmsloft á London leikvangnum þar sem West Ham vann 2-1 sigur gegn Wolves í feikilega mikilvægum leik. Tékkinn Tomas Soucek braut ísinn í leiknum og tileinkaði Michail Antonio markið.
Antonio, sóknarmaður West Ham, er á sjúkrahúsi eftir að hafa lent í bílslysi á laugardaginn. Soucek fagnaði marki sínu með því að lyfta níu fingrum á loft en níu er treyjunúmer Antonio.
Antonio, sóknarmaður West Ham, er á sjúkrahúsi eftir að hafa lent í bílslysi á laugardaginn. Soucek fagnaði marki sínu með því að lyfta níu fingrum á loft en níu er treyjunúmer Antonio.
„Markið var fyrir hann. Löngun mín til að skora var enn meiri en venjulega. Hann er minn uppáhalds liðsfélagi og það er erfitt að spila án hans. Ég er ánægður með að betur fór en á horfðist. Hann er frábær leikmaður og er í hjarta mínu," segir Soucek.
Antonio gekkst undir aðgerð á fæti og óvíst hvort leikmannaferli hans er lokið en miðað við ástandið á bifreiðinni er kraftaverk að ekki fór verr.
„Liðið átti myndbandssímtal við hann fyrir leikinn. Hann brosti til okkar og gaf okkur orku. Ég get ekki beðið eftir að heimsækja hann á sjúkrahúsið. Hann er yndislegur maður og er einnig fyndinn. Hann kom með nokkra brandara fyrir leikinn og óskaði okkur alls hins besta."
Antonio, sem er 34 ára, er markahæsti leikmaður West Ham í sögu ensku úrvalsdeildarinnar með 68 mörk í 268 deildarleikjum.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 22 | 16 | 5 | 1 | 54 | 21 | +33 | 53 |
| 2 | Arsenal | 23 | 13 | 8 | 2 | 44 | 21 | +23 | 47 |
| 3 | Nott. Forest | 23 | 13 | 5 | 5 | 33 | 27 | +6 | 44 |
| 4 | Man City | 23 | 12 | 5 | 6 | 47 | 30 | +17 | 41 |
| 5 | Newcastle | 23 | 12 | 5 | 6 | 41 | 27 | +14 | 41 |
| 6 | Chelsea | 23 | 11 | 7 | 5 | 45 | 30 | +15 | 40 |
| 7 | Bournemouth | 23 | 11 | 7 | 5 | 41 | 26 | +15 | 40 |
| 8 | Aston Villa | 22 | 10 | 6 | 6 | 33 | 34 | -1 | 36 |
| 9 | Brighton | 23 | 8 | 10 | 5 | 35 | 31 | +4 | 34 |
| 10 | Fulham | 22 | 8 | 9 | 5 | 34 | 30 | +4 | 33 |
| 11 | Brentford | 22 | 8 | 4 | 10 | 40 | 39 | +1 | 28 |
| 12 | Crystal Palace | 22 | 6 | 9 | 7 | 25 | 28 | -3 | 27 |
| 13 | Man Utd | 22 | 7 | 5 | 10 | 27 | 32 | -5 | 26 |
| 14 | West Ham | 22 | 7 | 5 | 10 | 27 | 43 | -16 | 26 |
| 15 | Tottenham | 22 | 7 | 3 | 12 | 45 | 35 | +10 | 24 |
| 16 | Everton | 22 | 5 | 8 | 9 | 19 | 28 | -9 | 23 |
| 17 | Wolves | 23 | 4 | 4 | 15 | 32 | 52 | -20 | 16 |
| 18 | Ipswich Town | 23 | 3 | 7 | 13 | 21 | 47 | -26 | 16 |
| 19 | Leicester | 22 | 3 | 5 | 14 | 23 | 48 | -25 | 14 |
| 20 | Southampton | 23 | 1 | 3 | 19 | 16 | 53 | -37 | 6 |
Athugasemdir
