Odion Ighalo.
Odion Ighalo, nýr framherji Manchester United, verður í leikmannahópnum gegn Chelsea í ensku úrvalsdeildinni á mánudag.
Manchester United hefur verið í æfingaferð á Spáni undanfarna daga en Ighalo fékk ekki að koma með. Ighalo kom til United frá Kína á dögunum og félagið hafði áhyggjur af því að hann myndi ekki fá að koma aftur til Englands frá Spáni út af Kórónaveirunni.
Manchester United hefur verið í æfingaferð á Spáni undanfarna daga en Ighalo fékk ekki að koma með. Ighalo kom til United frá Kína á dögunum og félagið hafði áhyggjur af því að hann myndi ekki fá að koma aftur til Englands frá Spáni út af Kórónaveirunni.
Ighalo var því eftir heima en Ole Gunnar Solskjær, stjóri United, segir að hann verði þrátt fyrir það í hópnum gegn Chelsea.
„Já, hann ferðast með okkur í leikinn. Hann er að vinna í forminu í þessari viku og ég held að við munum ná honum í gang," sagði Solskjær.
„Við þurfum að koma honum sem fyrst inn því að hann vill ólmur spila fyrir okkur."
Athugasemdir
