Szczesny gekk til liðs við Juventus árið 2017 eftir að hafa staðið sig vel á láni hjá Roma frá Arsenal. Hann hefur ná að festa sig í sessi sem aðalmarkvörður liðsins en á þessu tímabili er Gianluigi Buffon varamarkvörður Juventus á eftir Szczesny.

Eins og stendur eru Szcesny og félagar í Juventus í hörku baráttu um titilinn á Ítalíu en þeir eru jafnir Inter að stigum á toppi deildarinnar og svo er Lazio aðeins einu stigi á eftir. Þá er liðið einnig ennþá í bikarnum og komið í útsláttarkeppni Meistaradeildarinnar og því eru áhugaverðir mánuðir framundan.

Szczesny spilaði 132 fyrir Arsenal á átta árum en þá hefur hann farið á lán til Brentford og Roma á ferli sínum.