„Mér líst allt í lagi á þessa spá, þetta er kannski eðlilegt miðað við gengi okkar í fyrra en við ætlum okkur stærri hluti - það er ekkert flóknara en það. Ég held að það sé alveg klárt að við ætlum að berjast um þá titla sem eru í boði," sagði Matthías Vilhjálmsson, fyrirliði FH, í viðtali við Fótbolta.net. Tilefnið var spá Fótbolta.net fyrir Bestu deildina en FH er spáð fjórða sæti í sumar.
Sjá einnig:
Spá Fótbolta.net - 4. sæti: FH
„Okkur hefur gengið það vel á þessu ári, ekki búnir að tapa leik á þessu ári, búnir að fá nýja og flotta leikmenn sem hafa smollið inn í þetta, frábært þjálfarateymi og við erum búnir að æfa rosalega vel í allan vetur. Við erum spenntir og hlökkum til þess að byrja."
Hver er munurinn á milli ára hjá FH en undirbúningstímabilið í fyrra gekk brösulega.
„Það eru margir þættir sem koma bara með nýjum þjálfurum og svoleiðis. Við vorum óheppnir með meiðsli í fyrra, menn að detta í tognanir hér og þar og sem þetta var sem verst voru 5-6 góðir leikmenn frá og dampurinn datt aðeins úr þessu. Síðan erum við líka hungraðir eftir vonbrigða tímabil í fyrra. Við höfum fengið fullt af flottum leikmönnum og ungu strákarnir eru reynslunni ríkari eftir tækifærin sem þeir fengu í fyrra," sagði Matti.
Viðtalið í heild má nálgast í spilaranum að ofan og á öllum hlaðvarpsveitum.
Athugasemdir
