Fotbolti.net
11.05.22 - 13:44
Sæbjörn Þór Þórbergsson Steinke

Hrannar og Áki lánaðir í Völsung (Staðfest)

Hrannar er mættur aftur í grænt.

Hrannar er mættur aftur í grænt.

Canon

Mynd: 640.is - Hafþór Hreiðarsson

Völsungur hefur fengið mikinn liðsstyrk frá nágrönnum sínum í KA því Hrannar Björn Steingrímsson og Áki Sölvason eru mættir í grænu treyjuna. Báðir koma þeir á láni.

Hrannar er að koma til baka eftir erfið meiðsli sem hann varð fyrir snemma á síðasta tímabili en hann er uppalinn í Völsungi, á að baki 106 leiki fyrir meistaraflok Völsungs og hefur skorað í þeim 29 mörk.

Hrannar er hægri bakvörður sem verður þrítugur í næsta mánuði. Hann gekk í raðir KA eftir tímabilið 2013.
Áki er 23 ára gamall framherji sem uppalinn er hjá KA. Áki á að baki 22 leiki í 2. deild (á láni hjá KF og Dalvík/Reynir) og í þeim hefur hann skorað tíu mörk.

„Við bindum miklar vonir við þessa glæsilegu pilta og bjóðum þá hjartanlega velkomna í grænt!!!" segir í færslu Græna hersins. Völsungur spilar í 2. deild í sumar.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.