Fotbolti.net
11.05.22 - 10:14
Elvar Geir Magnússon

Tveir Úkraínumenn í Þrótt Reykjavík (Staðfest)

Tveir Úkraínumenn í Þrótt Reykjavík (Staðfest)
Canon

Mynd: Fótbolti.net - Hafliði Breiðfjörð

Tveir úkraínskir fótboltamenn hafa fengið leikheimild með Þrótti Reykjavík og eru orðnir löglegir fyrir næsta leik liðsins. Þróttarar heimsækja Hött/Huginn á Egilsstaði á laugardag.

Það eru þeir Kostyantyn Pikul, 26 ára miðvörður, og Kostiantyn Iaroshenko, 35 ára sóknarmiðjumaður. Sá síðarnefndi á úkraínskan bikarmeistaratitil á ferilskránni, með Vorskla Poltava 2009, og leiki með U21 landsliði Úkraínu.

Þeir koma báðir frá úkraínska B-deildarliðinu Alyans.
Þróttur féll úr Lengjudeildinni í fyrra og byrjaði 2. deildina á að tapa 0-4 á heimavelli gegn Njarðvík.

Í dag er íslenski gluggadagurinn en félagaskiptaglugganum verður lokað á miðnætti.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.