Ísland vann Tyrkland 2-1 í undankeppni EM 2020 á Laugardalsvelli í kvöld og eru með 9 stig eftir fyrstu 4 leikina í undankeppninni. Jóhann Berg Guðmundsson sagði liðið hafa haft yfirtökin í leiknum og sigurinn hafi verið verðskuldaður.
Lestu um leikinn: Ísland 2 - 1 Tyrkland
„Auðvitað var gríðarlega mikilvægt að ná í þetta fyrsta mark sem við gerðum og svo auðvitað annað markið líka. Þá fannst mér við vera gjörsamlega með þetta en svo ná þeir í þetta mark sem var klaufalegt hjá okkur en þeir voru ekki að skapa sér mikið í leiknum."
Jói sagði að hann hefði verið klár á því að þeir myndu vinna, enda með gott tak á Tyrkjunum.
„Ég sagði við strákana fyrir leik að ef við myndum spila okkur leik myndum við vinna þennan leik og við gerðum það. Við erum með ágætis tak á þeim og við vitum hvernig við eigum að spila á móti Tyrkjum og höfum sýnt það í síðustu leikjum."
Jói hefur verið tæpur vegna meiðsla á þessari leiktíð og sagði að sumarfríið framundan sé verulega kærkomið.
„Ég er bara búinn að vera smá í smá basli og lítið æft en mjög gott að ná í þetta margar mínútur í dag og leggja upp þetta fyrsta mark sem var mjög mikilvægt. Það verður gott að slaka á og mæta ferskur í undirbúningstímabilið eftir einn mánuð eða svo."
Laumuðum okkur í reykmettað bakherbergi í Laugardalnum og gerðum upp stórfuðulegan aðdraganda að leiknum og glæsilega frammistöðu! @tomthordarson og @maggimar með mér #fotboltinet https://t.co/RdjiG4KURy
— Elvar Geir Magnússon (@elvargeir) June 11, 2019
Athugasemdir