Fotbolti.net
11.07.22 - 06:00
Ívan Guðjón Baldursson
Ítalska deildin

Salernitana fær Erik Botheim frá Krasnodar (Staðfest)

Salernitana fær Erik Botheim frá Krasnodar (Staðfest)
Canon

Mynd: Getty Images

Erik Botheim er búinn að skrifa undir fjögurra ára samning við ítalska félagið Salernitana.

Botheim er 22 ára gamall og kom upp í gegnum yngri landslið Noregs með góðvini sínum Erling Haaland.

Hann var lykilmaður í sterku liði Bodö/Glimt áður en hann var keyptur til Krasnodar fyrir 7,5 milljónir evra í janúar.

Þeir í Krasnodar vissu samt ekki af áformum Vladimir Putin um að ráðast inn í Úkraínu og því má Botheim yfirgefa félagið á frjálsri sölu aðeins sex mánuðum eftir að hafa skrifað undir samning.

Botheim, sem á 14 mörk í 51 landsleik með yngri liðum Noregs, gæti orðið mikill liðsstyrkur fyrir Salernitana sem bjargaði sér á ótrúlegan hátt frá falli í vor.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.