---

Manchester United gæti reynt að fá Zlatan Ibrahimovic (38) aftur í sínar raðir. Zlatan er að verða samningslaus og í leit að nýju félagi fyrir janúar en hann hefur verið orðaður við AC Milan að undanförnu. (Mail)

Forráðamenn Arsenal standa 100% við bakið á Unai Emery og ætla að bíða þar til næsta sumar með að ákveða framtíð hans. (The Athletic)

Arsenal segir að Emery eigi ekki á hættu á að vera rekinn á næstunni. (The Times)

Luis Enrique, fyrrum landsliðsþjálfari Spánar, hefur verið orðaður við Arsenal en hann stefnir ekki á að snúa aftur í þjálfun á næstunni. (ESPN)

Tottenham ætlar að reyna að fá Hakim Ziyech (26) frá Ajax ef Christian Eriksen (27) fer annað. (90min)

Faðir Neymar, segir að hann ætli ekki í viðræður við Barcelona og að leikmaðurinn verði áfram hjá PSG. (Mail)

N'Golo Kante (28) miðjumaður Chelsea segist ekki vera á leið til Real Madrid. Frakkinn er tilbúinn að ljúka ferlinum á Stamford Bridge. (Sun)

Inter hefur áhuga á Dries Mertens (32) framherja Napoli en samningur hans rennur út í sumar. Inter vill líka fá Thomas Meunier (28) og Layvin Kurzawa (27) frá PSG. (Calciomercato)

Brendan Rodgers, stjóri Leicester, hefur sett spurningamerki við það hvort hann hafi fengið nægilegan stuðning á tíma sínum hjá Liverpool. (Liverpool Echo)

Kalvin Phillips (23) miðjumaður Leeds og varnarmaðurinn Ben White (22) sem er á láni hjá Leeds frá Brighton eru undir smásjá Manchester United. (Football Insider)

Cristiano Ronaldo (34) fór heim áður en leik Juventus og AC Milan lauk í gær. Ronaldo var tekinn af velli og hann var ósáttur við það. (Corriere dello sport)