Gylfi Þór lék sitt fyrsta tímabil á ferlinum á Íslandi síðasta sumar.
Kári Kristjánsson er öflugur miðjumaður.
Félagaskiptamarkaðurinn á Íslandi hefur aðeins kólnað eftir smá hamagang í lok síðasta mánaðar. Þá fóru Íslandsmeistararnir á flug og kræktu í þrjá bita. Í kjölfarið fylgdu Víkingar á eftir með því að fá tvo leikmenn frá KA og Afturelding var svo með stóra tilkynningu fyrir helgi.
Framtíð nokkurra leikmanna er í óvissu. Hvað gerir Arnþór Ari Atlason sem getur fengið sig lausan ef eitthvað spennandi býðst úr Bestu deildinni? Atli Sigurjónsson og Guy Smit eru með lausa samninga, Alex Þór Hauksson má fara frá KR og Tómas Bent Magnússon hefur verið að æfa með Val.
Þá hefur heyrst af tilboðum í fjóra leikmenn sem eru samningsbundnir og félögin hafa sagt nei við. Að sjálfsögðu er möguleiki að fleiri tilboð hafi farið á milli félaga, en þetta eru þau tilboð sem heyrst hefur af.
Framtíð nokkurra leikmanna er í óvissu. Hvað gerir Arnþór Ari Atlason sem getur fengið sig lausan ef eitthvað spennandi býðst úr Bestu deildinni? Atli Sigurjónsson og Guy Smit eru með lausa samninga, Alex Þór Hauksson má fara frá KR og Tómas Bent Magnússon hefur verið að æfa með Val.
Þá hefur heyrst af tilboðum í fjóra leikmenn sem eru samningsbundnir og félögin hafa sagt nei við. Að sjálfsögðu er möguleiki að fleiri tilboð hafi farið á milli félaga, en þetta eru þau tilboð sem heyrst hefur af.
Víkingur bauð eins og frægt er orðið í Gylfa Þór Sigurðsson sem samningsbundinn er Val út næsta tímabil. Valsmenn litu á það tilboð sem grín. Gylfi er 36 ára miðjumaður sem skoraði 11 mörk í 19 leikjum á síðasta tímabili.
Víkingur og Fram hafa þá boðið í Atla Þór Jónasson framherja HK en hann er samningsbundinn HK út tímabilið 2026. Heyrst hefur að HK vilji fá allavega 10 milljónir fyrir Atla sem er 22 ára og hefur spilað tvö tímabil í efstu deild.
Valur hefur þá boðið í Kára Kristjánsson og ÍA er einnig sagt hafa boðið í Þróttarann. Kári er tvítugur sóknarsinnaður miðjumaður sem skoraði 11 mörk í Lengjudeildinni í sumar og var valinn í lið ársins. Hann er samningsbundinn Þrótti út tímabilið 2026.
Loks var greint frá þvi í Þungavigtinni að HK hefði boðið í Baldvin Þór Berndsen, tvítugan miðvörð Fjölnis, og fékk Fótbolti.net það staðfest að því tilboði var hafnað. Baldvin átti gott tímabil með Fjölni og var á bekknum í liði ársins í Lengjudeildinni. Hann er samningsbundinn Fjölni út næsta tímabil.
Atli Þór er stór og stæðilegur framherji.
Miðvörðurinn Baldvin hefur verið orðaður við nokkur félög síðustu mánuði.
Athugasemdir
