Fotbolti.net
12.01.16 - 16:34
Elvar Geir Magnússon

Danskur miðjumaður í Fjölni (Staðfest)

Ágúst Gylfason og Martin Lund Pedersen.

Ágúst Gylfason og Martin Lund Pedersen.

Canon

Mynd: Fótbolti.net - Hafliði Breiðfjörð

Fjölnir hefur samið við 25 ára danskan miðjumann sem lék síðast með Horsens, hann heitir Martin Lund Pedersen og á 19 leiki að baki með yngri landsliðum Danmerkur.
Þetta var tilkynnt á fréttamannafundi sem nú stendur yfir í Grafarvogi.

Samkvæmt upplýsingum á vefnum transfermarkt.com er Pedersen sóknarmiðjumaður sem getur einnig leyst stöðu vinstri vængmanns. Hann var á sínum tíma í unglingaliðum OB.

Við sama tilefni var tilkynnt um nýtt afreksstarf sem Grafarvogsfélagið hefur hafið. Ólafur Páll Snorrason, spilandi aðstoðarþjálfari meistaraflokks karla, hefur verið ráðinn í starf afreksþjálfara.

Magnús Már Einarsson er í Grafarvogi og á eftir verða birt viðtöl við Pedersen og Ágúst Gylfason, þjálfara Fjölnis.

Fjölnir hafnaði í sjötta sæti Pepsi-deildarinnar í fyrra.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.