Slimani er 32 ára gamall framherji en hann hefur aðeins spilað nítján mínútur í ensku úrvalsdeildinni á þessari leiktíð.

Hann var á láni hjá Mónakó á síðustu leiktíð þar sem hann skoraði níu mörk og lagði upp sjö í aðeins átján leikjum en þrátt fyrir það ákvað Mónakó ekki að kaupa hann.

Slimani verður samningslaus í sumar og er frjálst að ræða við önnur félög en Lyon hefur komist að samkomulagi við Leicester um að fá hann frítt í þessum mánuði.

Leikmaðurinn gerir samning við Lyon út þessa leiktíð með möguleika á að framlengja um eitt ár. Slimani leysir Moussa Dembele af hólmi en franski framherjinn er að ganga til liðs við Atlético Madríd.