Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   þri 12. janúar 2021 09:20
Elvar Geir Magnússon
Tottenham gæti fengið Militao - Bissouma orðaður við Arsenal
Powerade
Eder Militao er orðaður við Spurs.
Eder Militao er orðaður við Spurs.
Mynd: Getty Images
Bissouma í leik með Arsenal.
Bissouma í leik með Arsenal.
Mynd: Getty Images
Burnley vill fá Jonjoe Kenny.
Burnley vill fá Jonjoe Kenny.
Mynd: Getty Images
Caicedo, Militao, Winks, Gonzalez, Dembele, Buendia, Kenny og fleiri í slúðurpakka dagsins. Fáið ykkur Powerade og rennið yfir allt það helsta sem ensku götublöðin eru að fjalla um.

Tottenham gæti fengið brasilíska varnarmanninn Eder Militao (22) lánaðan frá Real Madrid. Roma, AC Milan og Inter hafa líka sýnt miðverðinum áhuga en hann hefur aðeins spilað tvo leiki í La Liga á þessu tímabili. (Corriere dello Sport)

Tottenham hefur blandað sér í baráttu við Leeds og Juventus um argentínska vængmanninn Nicolas Gonzalez (22) hjá Stuttgart. (Athletic)

Valencia hefur áhuga á að fá miðjumanninn Harry Winks (24) lánaðan frá Tottenham. (Football London)

Brighton telur sig hafa unnið baráttu við Newastle um ekvadorska miðjumanninn Moises Caicedo (19) hjá Independiente del Valle. Leikmaðurinn hefur einnig verið orðaður við Chelsea og Manchester United. (TalkSport/Mail)

Arsenal hefur áhuga á Yves Bissouma (24), landsliðsmiðjumanni Brighton. Líklegra er að þessi miðjumaður Brighton færi sig um set í sumar en í janúarglugganum. (Football London)

Franski miðjumaðurinn Steven N'Zonzi (32) hjá Rennes er orðaður við Arsenal og Everton. N'Zonzi er hjá franska félaginu á lánssamningi frá Roma. (Foot Mercato)

Franski sóknarmaðurinn Moussa Dembele (24) hjá Lyon færist nær því að fara til Atletico Madrid. Hann hefur áður hafnað því að fara til West Ham. (Telefoot)

Dembele mun fyrst fara til Atletico á lánssamningi með möguleika á því að kaupa fyrir 29,6 milljónir punda. (Goal)

Arsenal er ekki lengur að elta Emi Buendia (24) hjá Norwich eftir að Championship-félagið setti 40 milljóna punda verðmiða á argentínska miðjumanninn. (Express)

Tiemoue Bakayoko (26), miðjumaður Chelsea, er á leið frá Stamford Bridge en miðjumaðurinn hefur spilað vel á lánssamningi hjá Napoli. (Star)

Hollenski varnarmaðurinn Jetro Willems (26) hefur gefið í skyn að hann gæti verið á leið aftur til Newcastle United frá Eintracht Frankfurt. Hann var á láni hjá enska félaginu á síðasta tímabili. (Chronicle)

Leeds United hefur verið orðað við Fredrik Andre Björkan (22), norskan vinstri bakvörð hjá Bodö/Glimt. Sampdoria vill einnig fá leikmanninn. (La Repubblica)

Burnley mun reyna að fá Jonjoe Kenny (23) frá Everton. Burnley hefur áður reynt að fá þennan enska bakvörð á Turf Moor. (Football Insider)

Juventus er í viðræðum við Sassuolo um ítalska sóknarmanninn Gianluca Scamacca (22) sem er á láni hjá Genoa. (Goal)

Bayern München vill fá Dayot Upamecano (22), franska varnarmanninn hjá RB Leipzig, sem er á óskalistum Chelsea og Manchester United. (Marca)

Stoke City virðist hafa unnið Bournemouth og Queens Park Rangers í baráttunni um miðjumanninn Alfie Doughty (21) hjá Charlton Athletic. (Mail)

Ensku úrvalsdeildarfélögin Everton, Leicester og Wolves hafa áhuga á enska unglingalandsliðsmanninum Marcus Tavernier (21) hjá Middlesbrough. (Teamtalk)
Athugasemdir
banner
banner
banner
banner
banner