Fotbolti.net
12.03.14 - 15:16
Magnús Már Einarsson

Haraldur Björnsson til Strömmen á láni (Staðfest)

Haraldur Björnsson til Strömmen á láni (Staðfest)
Canon

Mynd: Fótbolti.net - Hafliði Breiðfjörð

Strømmen í norsku B-deildinni hefur fengið markvörðinn Harald Björnsson á láni frá Sarpsborg.

Lánssamningurinn gildir út tímabilið en Sarpsborg á kost á að kalla Harald fyrr til baka.
Haraldur kom til Sarpsborg frá Val árið 2012 og hjálpaði liðinu upp í norsku úrvalsdeildina.

Á síðasta tímabili settu meiðsli strik í reikninginn hjá Haraldi fyrri hluta tímabils en síðari hlutann var hann síðan á láni hjá Fredrikstad.

Haraldur mun áfram æfa með Sarpsborg að hluta því á mánudögum og þriðjudögum mun hann æfa með Sarpsborg á morgnanna og Strømmen á kvöldin.

Haraldur er 24 ára gamall en hann hefur verið viðloðandi íslenska landsliðshópinn.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.