Garnacho kominn úr að ofan.
Alejandro Garnacho var í aðalhlutverki þegar Manchester United vann FA unglingabikarinn í fyrsta sinn síðan 2011. Unglingalið United vann jafnaldra sína í Nottingham Forest 3-1 í úrslitaleik fyrir framan metfjölda áhorfenda.
67.492 áhorfendur voru á Old Trafford og sáu fyrirliðann Rhys Bennett koma United yfir. En Forest jafnaði með marki Joshua Powell sem Radek Vitek, markvörður United, vill ekki sjá aftur.
67.492 áhorfendur voru á Old Trafford og sáu fyrirliðann Rhys Bennett koma United yfir. En Forest jafnaði með marki Joshua Powell sem Radek Vitek, markvörður United, vill ekki sjá aftur.
Þá var komið að Garnacho. Hann kom United yfir úr vítaspyrnu sem var ranglega dæmd og fagnaði með því að líkja eftir einkennisfagni Cristiano Ronaldo.
Garnacho er 17 ára Argentínumaður sem lék nýlega sinn fyrsta aðalliðsleik fyrir United. Hann fór á kostum í leiknum í gær og innsiglaði sigurinn með öðru marki sínu og þriðja marki United, 3-1 urðu lokatölur.
'Class of 22' stóð á borða í stúkunni en meðal áhorfenda á leiknum voru Sir Alex Ferguson, Bryan Robson, Michael Carrick, David De Gea, Harry Maguire og Bruno Fernandes.
Athugasemdir
