sun 12. júlí 2020 15:52
Sæbjörn Þór Þórbergsson Steinke
Lengjudeildin: Varamaðurinn Viðar tryggði Vestra öll stigin
Lengjudeildin
Vestramenn fagna marki gegn Þrótti í bikarnum í júní.
Vestramenn fagna marki gegn Þrótti í bikarnum í júní.
Mynd: Fótbolti.net - Jónína Guðjörg Guðbjartsdóttir
Vestri 1 - 0 Þróttur R.
1-0 Viðar Þór Sigurðsson ('90)

Vestri tók á móti Þrótti R. á Olísvellinum á Ísafirði í dag. Vestri kom inn í þennan leik eftir 0-1 útisigur á Þór í síðustu umferð. Þróttarar töpuðu fyrir austan gegn Leikni F. í Fjarðabyggðarhöllinni.

Leikurinn var mjög bragðdaufur í 80 mínútur rúmar en eftir það voru föst leikatriði hættuleg og heimamenn skoruðu úr einu slíku á lokamínútu venjulegs leiktíma.

Varamaðurinn Viðar Þór Sigurðsson skoraði þá eftir mikið klafs í teignum eftir hornspyrnu. Markið reyndist sigurmark leiksins og annar sigur Vestra í röð staðreynd. Þróttur er áfram án stiga og hefur einungis skorað eitt mark á leiktíðinni.
Athugasemdir
banner
banner
banner
banner