Enzo Fernandez kom sér í mikil vandræði þegar hann söng niðrandi söngva um svarta leikmenn franska landsliðsins með liðsfélögum sínum í argentíska landsliðinu í sumar.
Það var mikil reiði innan herbúða Chelsea en menn leystu það fljótt sín á milli. Franski varnarmaðurinn Wesley Fofana, samherji Fernandez hjá Chelsea, var fljótur að tjá sig um málið í gegnum Instagram þar sem hann fordæmdi atvikið.
FIFA og Chelsea hófu rannsókn á málinu í kjölfarið en enska fótboltasambandið ætlar ekki að hefja sína eigin rannsókn. Atvikið átti sér stað í landsliðsverkefni og er þetta því undir FIFA og fótboltasambandi Suður Ameríku komið að rannsaka málið.
Fernandez hefur verið að koma sér í allskonar vandræði undanfarið en hann missti ökuréttindin sín í gær.
Athugasemdir
