Memphis Depay, leikmaður Lyon, býst við að mörg félög muni sýna sér áhuga þegar janúarglugginn opnar.
Memphis var sterklega orðaður við Barcelona í sumarglugganum en ekkert varð úr þeim skiptum að lokum.
Hollendingurinn verður samningslaus næsta sumar og þykir afar ólíklegt að hann skrifi undir nýjan samning.
Memphis var áður á mála hjá Manchester United á Englandi en hann náði sér ekki á strik þar á bæ.
„Ég er 26 ára gamall og ég mun varla kosta neitt. Við getum búist við að félög muni sýna áhuga," sagði Memphis.
„Það styttist í janúar. Við þurfum að sjá hvernig hlutirnir eru þá. Það er ekki víst að ég sé að fara en það er líklegra að félög sýni áhuga."
Athugasemdir
