13.01.13 - 23:19
Magnús Már Einarsson
Eiður Smári í Club Brugge (Staðfest)
Mynd: Kristján Bernburg
Mynd: Kristján Bernburg
Eiður Smári Guðjohnsen skrifaði í kvöld undir eins og hálfs árs samning við Club Brugge en hann kemur til félagsins frá Cercle Brugge. Félögin hafa átt í viðræðum um félagaskiptin undanfarna daga og samningar eru nú í höfn.
,,Ég er mjög ánægður með félagaskipti mín til Club Brugge. Það er heiður fyrir mig að félagið hafi viljað fá mig í sínar raðir,\" sagði Eiður Smári í kvöld.
,,Ég hlakka til að berjast um titla með liðinu. Ég óska Cercle Brugge einnig alls hins besta það sem eftir er á tímabilinu.\"
Eiður Smári, sem er 34 ára gamall, gæti leikið sinn fyrsta með Club Brugge leik gegn Cercle Brugge næstkomandi sunnudag.
Hjá Cercle skoraði Eiður Smári sex mörk í þrettán leikjum en hann lék mjög vel eftir að hann kom til liðsins í byrjun október.
Eiður hafði áður verið án félags í nokkra mánuði eftir að hann yfirgaf herbúðir AEK Aþenu síðastliðið sumar.
,,Ég hlakka til að berjast um titla með liðinu. Ég óska Cercle Brugge einnig alls hins besta það sem eftir er á tímabilinu.\"
Eiður Smári, sem er 34 ára gamall, gæti leikið sinn fyrsta með Club Brugge leik gegn Cercle Brugge næstkomandi sunnudag.
Hjá Cercle skoraði Eiður Smári sex mörk í þrettán leikjum en hann lék mjög vel eftir að hann kom til liðsins í byrjun október.
Eiður hafði áður verið án félags í nokkra mánuði eftir að hann yfirgaf herbúðir AEK Aþenu síðastliðið sumar.
Heimild: Heimasíða Club Brugge
