Máni Austmann til FH (Staðfest)

Máni Austmann Hilmarsson er orðinn leikmaður FH en félagið tilkynnti þetta í dag.

Máni kemur frá Leikni Reykjavík þar sem hann hefur spilað undanfarin ár. Máni er uppalinn í Stjörnunni en fór ungur að árum til FCK í Danmörku.

Samningur Mána við Leikni rann út síðasta haust og því kemur hann á frjálsri sölu til FH.

Máni er 23 ára kantmaður sem skoraði eitt mark í sautján leikjum á síðasta tímabili. Tvíburabróðir hans, Dagur Austmann, lék með honum hjá Leikni.

FH hafnaði í sjötta sæti efstu deildar í fyrra en Leiknir endaði í áttunda sæti.