Byrjunarlið Víkings í Helsinki: Jón Guðni ekki með og Sveinn Gísli byrjar

Eins og fjallað hefur verið um þá vantar stór nöfn hjá Víkingum. Fjórir leikmenn eru frá vegna meiðsla og tveir vegna leikbanns. Róbert Orri Þorkelsson, Gunnar Vatnhamar, Pablo Punyed og Atli Þór Jónasson eru á meiðslalistanum. Þeir Karl Friðleifur Gunnarsson og Nikolaj Hansen eru svo í leikbanni vegna uppsafnaðra gulra spjalda í keppninni.

Þá er Jón Guðni Fjóluson skráður á bekkinn, er greinilega ekki heill til að byrja. Sveinn Gísli Þorkelsson fær stórt tækifæri í vörn Víkings í kvöld og þá er Helgi Guðjónsson meðal byrjunarliðsmanna.

Sverrir Ingi Ingason er í byrjunarliði Panathinaikos en Hörður Björgvin Magnússon er á meiðslalista liðsins.