Staða Gregg Ryder í Vesturbænum hefur verið helsta umræðuefnið eftir að Óskar Hrafn Þorvaldsson hætti hjá Haugesund.

Í Innkastinu hér á Fótbolta.net var því spáð að Óskar myndi taka við KR í sumar en eftir síðasta tímabili vildi félagið fá hann til að taka við stjórnartaumunum.

„Í upphafi tímabils var talað um að KR ætlaði að fara í rosalega pressu, væru í svo svakalegu formi. Svo mæta þeir svona liði sem er ekki mikið með boltann, hvað er planið þá? Hvað var planið í dag? Ég sá ekkert frá þeim," sagði Valur Gunnarsson í þættinum þegar rætt var um 1-2 tapið gegn HK.

Heldur þú að Óskar Hrafn taki við KR í sumar? „Já ég held það," svaraði Valur og Sæbjörn Steinke er sammála: „Ég held að þeir séu pottþétt að ræða þetta á fullu í Vesturbænum."

Sjálfur sagði Gregg í viðtali eftir leikinn:

„Það er hvergi meira pressa á þjálfara heldur en í KR. Mér var sagt það margoft þegar ég var ráðinn. Við eigum í erfiðleikum núna en ég þarf að gera betur og ég mun gera það," sagði Gregg Ryder.